Temperaturat e larta në vend duket se po favorizojnë çdo ditë krijimin e vatrave të reja të zjarrit.<br />10 ha pisha, shkurre dhe pemë të mbjella është dëmi i shkaktuar nga zjarri i rënë mesnatën e së mërkurës në Malin e Taraboshit në Shkodër.<br /><br />Teksa ka inspektuar nga afër situatën e krijuar, drejtori i përgjithshëm i Emergjencave Civile, Haki Çako kërkoi nisjen e hetimeve për zbardhjen e autorëve që shkaktojnë këto zjarre masive.<br />?Qytetarët duhet të sensibilizohen dhe të kuptojnë se zjarri është një fatkeqësi që shkakton pasoja të pariparueshme, jo vetëm për ekonominë e përbashkët, por edhe atë individuale. Bëj thirrje për një iniciativë më të shtuar të strukturave të policisë, apo edhe prokurorisë për të identifikuar apo vënë përpara përgjegjësisë të gjithë autorët e zjarrvënieve të qëllimshme?.<br /><br />Në orët e para të mëngjesit të kësaj të mërkure, flakët kanë përfshirë edhe parkun më të madh me pisha në Elbasan, atë të Kodër Krastës.<br /><br />Në vendngjarje kanë shkuar punonjës të shërbimit pyjor dhe zjarrfikëset, të cilat po bëjnë përpjekje për izolimin dhe fikjen e flakëve, por puna e tyre është vështirësuar edhe më shumë, për shkak të terrenit të thyer kodrinor.<br /><br />Me një situatë të rëndë po përballen prej dy ditësh edhe kodrat e fshatit Kryevidh, ku zjarri veç sipërfaqeve me ullishte e vreshta, rrezikon edhe banesat.<br /><br />Forcat zjarrfikëse ndodhen në vendin e ngjarjes në përpjekje për shuarjen e flakëve, të cilat vijojnë të përhapen me shpejtësi për shkak të erës.<br /><br />Zjarret kanë përfshirë mesditën e së mërkurës edhe pyllin në fshatin Mavrovë të Vlorës, ku rrezikohen edhe disa banesa. Forcat zjarrfikëse po punojnë për shuarjen e flakëve, por kjo bëhet e vështirë për shkak të terrenit të thyer.<br /><br />Tv Klan<br /><br /><br /><br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
